| 尋晚凌晨12點，突然間收到一個電話，聽完之後心情好差好差 ，係律敦治醫院打o黎問我知唔知一個叫ｘｘｘo既人，姑娘話岩岩依個人入醫，情況勁危殆，依個人就係我無見成幾年，就係我大伯父！佢無結婚所以無仔女，而我地就係佢最親o既人，收到電話立即打俾爸Ｂ話佢知，叫佢趕去醫院睇下情況，而我就立即彈起身換衫飛的過海！去到醫院見到伯父．．．佢真係老o左好多 ！凌晨1點，姑娘叫我地番屋企先，有消息就會打俾我地，於是就搭番的士番觀塘喇！岩岩番到屋企，收到醫院打o黎話報告出o左，證實佢急性肝硬化，仲轉o左上內科！
今朝早上正當落到巴士站o既時候，又再一次收到醫院o既電話，話伯父情況仍然好危殆，仲送o左入深切治療部， 而且仲要洗血ｔｉｍ！因為搵唔到佢張身份證，又唔知佢身份證號碼，所以星期一專登請假去入境處問下我地可以點樣做，因為如果證明唔到佢係香港人就要俾成三千蚊一晚。今次真係一波未平，一波又起！爺爺岩岩o係醫院番出o黎，依家又．．．．點解依個月要發生咁o既事喎＞．＜？？佢地都六十幾同九十幾啦．．．點解點解要佢地兩位老人家咁辛苦喎？
除o左佢兩位o既事，我真係好擔心爸Ｂ呀 ！兩個都係佢最親o既人，佢一定要支持住呀！唔好咁擔心，要小心身體同工作！
希望佢地個個都無事，早ｄ 好番啦！ |
| |
| Xanga
Type your first post here, then click "Submit" to publish it to your Xanga Site  |
| |
| 心淡了．．．
我唸唔到有咩野令到我值得去留戀！
由今晚７點開始，除O左媽咪關心我、錫我、開解我之外！就連我唔舒服佢都無理我，佢唔O左關心我、錫我、緊張我。頓時令我咩野心情都無晒，可能依段感情係時候要結束了！一次又一次O既容忍，我已經再容忍唔到喇！我認我係一個需要人時時刻刻都要有人關心我、錫我、緊張我，我只係想有個人俾到安全感，可以令到我依賴同依靠。
今晚係馬高幫我操體能後，第一次O既考驗，但係．．．．失敗了！仲要俾之前差O左一大半，亦都係咁頓時一個又一個既"次"（唔記得O左點寫呀）激向住我撞埋O黎，心情趺入谷底！我對考救護完完全全失去信心，我好想好想放棄！
一個又一個的"次"激，我好想收埋自己O係一個無人搵到我O既地方，但係我搵唔到呀！只有靜靜地留在家中，所有電話都唔聽，等自己一個人冷靜下！
有時真係好想好似一首歌咁『我只想一個人』，而依句『想一個人』，曾經有個同事講過話係想著一個人，但係我O既『想一個人』係我真係好想自己一個呀！
馬高我無事呀！俾Ｄ時間我自己一個靜下啦～～
|
| |
| 今日番８點，因為ｄ學生開始考試，要早ｄ番去做ｓｕｐｐｏｒｔ但係我６：４５先起身囉（個鐘唔識響呀），拿拿聲換衫番工，原先唸住o係官塘搭的士番銅鑼灣，但係等o左好耐都無車，反而有架６０１到站，我一支箭咁飛上車，之後o係北角轉的士，都搭o左成４０蚊呀，不過總比o係官塘搭平好多囉．．．．
放工約o左３個傻婆食飯，加埋我就係傻婆４人組喇！o係淘大茶軒食飯，行街．．．．．好耐都無試過我地４個一齊出街食飯同行街喇！今日真係好開心架．．．．．．不過個心就有ｄ痛囉，點解？因為我又忍唔住手買野喇，不過好彩今次只係用o左６００蚊，買o左４件我至愛o既牌子Ｔ－ｓｈｉｒｔ喇～～ |
| |
| 唔知點解依幾日o既心情都唔係幾好！
究竟點解會咁？我都好想知道．．．．．！
不過我乜都唔知，唔想知，亦都唔想唸！
『以後我只想一個人』．．． |
| |
